«Жевлакова и Партнеры» компаниясын 1994 жылы Қазақстан Республикасының патенттiк сенiм бiлдiрiлген өкiлі Татьяна Жевлакова құрған.

Татьяна Владимировна Жевлакова

1935 жылы 24 қазанда Қытайдың Харбин қаласында дүниеге келген. 1953 жылы Порт-Артур маңында орналасқан Дальний қаласындағы орта мектепті бітірді. Сол жылы Татьянаның ата-анасы тың жерлерге Қазақстанға көшіп, онда Абай атындағы мемлекеттік қыздар педагогикалық институтына оқуға түсіп, 1958 жылы «Физика. Математика». мамандығы бойынша бітірді. Алматы қаласының ғылыми-зерттеу институттарында қызмет атқарды.

Татьяна Владимировна патенттанушы болып 1966 жылы «Қазмеханобр» ҒЗИ патенттік-ақпараттық бөлімінің аға инженері лауазымын атқара бастады. 1967 жылы ИБАЖМК бітіріп, 1967-1969 жылдары ИБАЖМК (Алматы қаласы) филиалында «Өнертабыстың сипаттамасы» дәріс курсын оқыды. 1975 жылы «патенттанушы» мамандығы бойынша БАОИ дипломын алды. 1984 жылы «Техникалық объектілердің патенттік тазалығына сараптама» және «Объектілерді патенттеу және шетелге сату» пәндері бойынша оқу сабақтарын өткізу үшін КСРО Мемлекеттік Өнертабыстар комиссиясы және БӨРҚ ОК аттестатталды.

1969-1991 жылдары Татьяна Владимировна С.М. Киров атындағы Қазақ мемлекеттік университетінің патенттік-лицензиялық бөлімінің меңгерушісі болып қызмет істеді. 1991-1994 жылдары ҚазКСР инженерлік академиясында еңбек етті. Сондай-ақ, ҚазМУ-дың Жаратылыстану факультеттерінде және Алматы қаласы БӨРҚ облыстық кеңесі жанындағы Патенттану қоғамдық институтында «Патенттану негіздері» дәріс курсын оқыды. Татьяна Владимировнаның ҚазМУ-де жұмыс істеген кезеңінде патенттік-лицензиялық бөлімі жыл сайын университет өнертапқыштары жасаған өнертабыстарға 100-ге жуық өтінім берді, олардың 80-90% қорғау құжатын беру туралы оң шешіммен болды. 25-тен астам шетелдік патенттер алынды, соның ішінде АҚШ, Германия, Голландия және басқа елдердегі патенттер.

1983 жылдан бастап Австралия, АҚШ, Норвегия, Швеция, ЮСФР және басқа елдердің фирмаларымен лицензиялау тақырыбы бойынша келіссөздер жүргізілді. Нәтижесінде 1984 жылы Швед фирмасымен опциондық келісім, ал 1986 жылы Югославия фирмасымен екі лицензиялық келісім жасалды.

1994 жылдан бастап Татьяна Владимировна – Қазақстан Республикасының патенттiк сенiм бiлдiрiлген өкiлі, ал 1996 жылдан бастап-Еуразиялық патенттiк сенiм бiлдiрiлген өкiлі болып табылады.

2010 жылы Т.В. Жевлакова Қазақстанның патенттік жүйесін дамытуға қосқан елеулі үлесі және зияткерлік меншік саласындағы көп жылдық табысты жұмыс тәжірибесі үшін «Қазақстанның еңбек сіңірген заңгері» атағына ие болды.

Бүгінгі таңда Татьяна Владимировна патенттану және зияткерлік меншікті қорғау саласындағы танымал сарапшы болып табылады.